Tea sauri Grossvatte

Es woa im Septembe 1944, mei Vatte woa wi di meisti Banate Volksteitschi im Juli 1943 zu de teitschi Armee eikruckt. Mei Mutte woa jetz Mutte, Geatnerin, Hausfrau un Paierin in oan. Mei selmols noch recht ristiche Grossvatte is awe eftes eiksprunge hauptsächlich am Feld, so tasses im grosse und ganze nit schlecht gschtanne woa um unse Weatschaft.

Eines Tages ist e Grossvatte frihe vun Feld haamkumme un hot noch pevoa ea ausgspannt hot mei Mutte gfroucht, was sie mit tenni Pflaume vun ti Hambesgasse Hausplätz mache will. Ich woa gesten noch min Pizigl nausgfoan un hap gseche tass ti Pflaume schun zeidich sein un schun ofange runnezufalle. Mei Mutte hot awe abgwunge un hot gsacht: Fa so was hawich ka Zeit, ich hap nimolnoch Paredeis eigekocht. Tes hawich mie getenkt hot te Grossvatte gsacht un tarum hawich gesten schun e Stellfass gekrechtlt. Waast was, ruf ti Kinne, Pflaume zamklaawe kenne ti ah.Ich prenn Schnaps tevou nom hame wenigstns etwas von tenni Hausplätz.

Ti Kinne des woa mei siweehalbjähriche Prude und ich. Ich woa selmols schun iwe zehn Joa alt. Mitfoan und helfe tes woa schun tägliche Pflicht. Wenn mei Mutte am Moarik woa ode am Feld, hawich misse ti Kih nauslosse, Mistpedel auftecke un aufstelle un fa mie un mei Prude Frustuck mache. Koatz mie sein am Wache gschtiche un e halwi Stund späde schun af unsere Hausplätz in de Hambesgass. Tes woa pan Kluche Andres sei Schnapskessel ums Eck af te lingi Seide.

Te Grossvatte hot die Pflaumepeeme noch e pissl gepeidlt, un mie hawe die Pflaume zamgeklaapt un in en Ambe gschmisse. Es hot nit lang getauet un mei Prude hot die Pflaume iweral higschmisse na nit in Ambe. Te Grossvatte hot des gseche un hot iwe mei Prude gsacht: Michl tou is te Ambe un tou kumme ti Pflaume nei. E Weidl hode tes aa gmacht, awe pal widde mit Schrolle rumgschmisse. Jetz hotim te Grossvatte am Oarem gepackt hodim in Richtung Ambe gschubst hodim noch e Klaps af sei Hinnegstell gewe, awe nit fest mea symbolisch, un hat midin gspielt puse Gsicht gsacht: to nei un hot min Zeichfinge zu vustehn gewe – jetz weatz awe Zeit. Mei Prude is jetz e poa Schritt zurück gange, hot ten Grossvatte mid en stroufende Plick a poamol vun unne pis owe ougschaut u nun miden vuächtliche Ton, tess a Kint iwehaupt fähich is, jedi einzelni Silwe betonend gsacht: „Tu saure Grossvatte“. Hots gsacht un hot sich rumgetreet, is an Wassegrawe spiele gange un hot ka aanziche Pflaume mea ougepackt.

Josef Michael Tuch Homburg – Saar

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.